問問題
0

初初入住老人院, 使唔使醒利是俾阿姐?

提問於 2016-02-21 15:39:00 +0000

imlcc 大頭貼
因屋企無人照顧, 所以早兩日安排老豆暫時入住老人院舍。今日去探佢時,照顧佢嘅阿姐話我老豆深夜三點幾自己解咗條片, 整到成床濕哂, 阿組個樣當然唔係好高興。其實我係咪應該俾封利是佢等佢條氣順D, 但又驚做得第一次, 第時郁D佢就向我投訴, 更甚係明明無嘢都投訴? 應唔應該理佢?
編輯 重新標籤 舉報 關閉 合併 刪除
0

回答於 2016-02-21 22:21:00 +0000

candylai115 大頭貼

你試吓了解吓你爸爸點解除片先 我爸爸又係第一次住老人院,住咗兩三日,夜班個阿姐又係話佢除片,仲影相又打電話俾我哋話攪佢唔掂,我哋了解咗原來夜班會同老人家用一條片再加三條片蕊,後來我哋同老人院投訴,點解用咁多片蕊,將心比己,我都會除啦!後來改用一條片蕊,就無話佢除片。 講真就算你俾咗利是,都未必會對老人家好,佢哋會用一些方法,令到家人同意俾老人院,同老人家用約束,我哋剛剛經歷咗,所以可同你分享。(我哋無俾老人院用約束) 我爸爸才住咗老人院一個半月,已經知道老人院嘅處理方法好有問題。

編輯 舉報 刪除 連結 更多
0

回答於 2016-02-21 23:28:00 +0000

pat614 大頭貼

我媽媽有腦退化症, 上月24日入左老人院, 佢識行識走, 但認知有問題, 佢都試過係自己房大, 小2便, 我去到姑娘都會話我知, 但佢地又冇咩野咁, 我係咁話5好意思, 姑娘話佢地係咁架啦,我新年都有派利是,我派兩封, 媽媽派一封,買左兩禮盒比早同晚班的姑娘,小小心意大家開心咁囉。 我媽間老人院冇用片芯, 只係用片, 佢地十點會帶佢去一次厠所, 痾完就上床瞓, 有時一點幾見我媽醒左又會帶佢去一次

編輯 舉報 刪除 連結 更多

留言

咁你個間啲姐姐幾好,識得處理有腦退化嘅老人家。我爸爸住個間,佢哋完全唔識得點照顧患有腦退化嘅老人家,員工態度又有問題,一味做啲小動作,令到家人同意用約束,咁就唔使麻煩。我爸爸住咗幾日,夜班個姑娘成日投訴,話佢呢樣個樣,其實除片就係因為用太多片蕊,成日提住想我哋俾佢用約束,我哋唔同意,佢就夜晚打電話俾我哋,話攪唔掂我老豆,要我哋夜晚過去老人院,之後我哋問過另一個夜班嘅姐姐,佢話我阿爸夜晚無咩特別,都係瞓覺,可能有時瞓醒以為天光,所以唔好信晒一個姑娘講嘅説話。 我哋已經接咗阿爸返屋企,因為實在頂唔順慈雲山呢間老人院。

candylai115 大頭貼candylai115 ( 2016-02-22 08:22:00 +0000 )編輯

您的答案

請開始以匿名貼文 - 您的條目將會在您登入或是建立新帳號後發布。

開始回答

提問工具

1 位粉絲

統計

發問時間: 2016-02-21 15:39:00 +0000

觀看數: 911 次

最後更新: Feb 21 '16