問問題
0

痛心,叛逆子

提問於 2017-08-15 08:52:00 +0000

昨日,我仔偷偷張.所有礼事錢去買新电話,佢只係得九歲,每件事都唔聽.,自作主張.,不受管,我老公己放棄佢,我之前对佢亦有希望,希望遊戲冶療,社工親子課可改善,但都係失望,換來只係痛心

編輯 重新標籤 舉報 關閉 合併 刪除

留言

303346689

hwl2b 大頭貼hwl2b ( 2017-08-17 14:18:00 +0000 )編輯
0

回答於 2017-08-15 23:03:00 +0000

mm168mm 大頭貼

適當年紀比佢做適當的事,而家好多十歲八歲都有自己電話, 你唔買比佢,佢自己走去買, 你唔比佢買,佢會偷人地電話· 跟着世界走吧! 曾經有同事幫個女買四千幾的電話, 間佢做咩買咁貴電話比個女? 佢話佢個女十六歲,身村樣貌都好多男人望, 佢驚冇端端見個女有新電話… 所以同事先買.

編輯 舉報 刪除 連結 更多
0

回答於 2017-08-16 13:50:00 +0000

雲妮彭 大頭貼

我個囡既情況同你仔類似, 佢用自己利事錢叫同學幫佢買左部3G手機, 4月買,前幾日先喊住同我講, 話知錯,好內疚........ 我知道後無鬧佢,因為都明白佢渴望有部3G電話, 我話唔緊要啦....講一陣道理就算. 我地有俾2G手機佢用,但佢嫌老土,所以偷偷地買....... 呢件事話俾我知,有D野,禁制係唔可行了,既然係甘, 不如坦白傾,再搵解決方法.........反叛期好麻煩, 寧願同佢有商有糧,好過咩都唔俾.....我囡依家自由用電話, 希望佢有自制能力吧......

編輯 舉報 刪除 連結 更多
0

回答於 2017-08-17 23:57:00 +0000

bosch 大頭貼

慢慢黎. 你作出左讓步, 佢仲要講條件, 俾我都唔會應承. 我大仔9歳, 算受教, 但有時都係咁, 佢發脾氣等只會增加懲罰. 暑假佢開始無聊, 有時同細佬個妹打架, 唯有同佢去下公園.

編輯 舉報 刪除 連結 更多
0

回答於 2017-08-19 20:39:00 +0000

birdbird 大頭貼

我只能勸你唔好咁嬲。 要同個仔解釋番即使d利是錢係佢, 不等如佢能擅自用來買野, 仲要係千幾二千蚊的電話。媽媽當初唔買手機比佢係有原因. 現在佢買咗, 唔代表媽媽唔比佢用手機的因素就完全不再適用。

編輯 舉報 刪除 連結 更多
0

回答於 2017-08-21 09:16:00 +0000

15 分鐘未免太少,就好似食飯食到一半就畀人叫走,睇電視睇到一半就熄電視,好難唔發脾氣。 我自己都鍾意打機,越唔畀打,心引越大,越戒唔到,越會偷玩,結果浪費更多時間去打機。既然依家都買左,嬲都冇用,唯有好好管理。30 分鐘,隆重其事,打機前要去廁所、飲水,一開始打機就唔準走黎走去,要專心打。一離開座位就當自動放棄。父母係呢段時間唔會打擾佢,直到夠鐘,1 分 1 秒都要算清。 父母同孩子雙方都要嚴守呢幾條規矩,白紙黑字寫低簽埋名。如果小朋友犯規,減 5 分鐘,如果父母犯規,加 5 分鐘。 我去補習,會同小朋友先玩 Scrabble 熱身,玩之前會先講規矩,佢地要同意先可以開始玩。規矩唔可以中途先講,唔係的話佢地會耍賴唔肯遵守。

編輯 舉報 刪除 連結 更多
0

回答於 2017-09-04 17:12:00 +0000

小鈴鐺 大頭貼

我仔今年升小一, 我也在考慮電話問題, 很多人就盡量禁, 一俾孩子用, 就失控, 我家中沒有電視, 我仔出街食飯, 望住人地個電視, 眼定定. 我就會諗, 係咪因為一直都無, 反而令佢更喝求. 我家的零食, 一向放在孩子能自由拿的地方, 孩子從不偷食, 食前亦會來問准, 不會亂來. 如果只是一味禁止, 不如讓他用, 給予應用守則, 會否是更好的方法呢?

編輯 舉報 刪除 連結 更多
0

回答於 2017-08-16 10:50:00 +0000

manwai11 大頭貼

佢只係得9歲,唔好咁快叫佢仵逆,佢可能一定知你們唔俾買電話,唯一方法用偷利是錢買,而家要解決係同佢講偷錢不對,日後要買野同父母商量。

編輯 舉報 刪除 連結 更多

留言

303439964

lilicatcat 大頭貼lilicatcat ( 2017-08-16 11:03:00 +0000 )編輯

您的答案

請開始以匿名貼文 - 您的條目將會在您登入或是建立新帳號後發布。

開始回答

提問工具

1 位粉絲

統計

發問時間: 2017-08-15 08:52:00 +0000

觀看數: 2,441 次

最後更新: Sep 04 '17