問問題
0

分享俾想生BB嘅jm,整合咗自己調理身體同飲食嘅心得

提問於 2017-05-25 11:34:00 +0000

我自己已經生咗兩胎,兩個細路目前都好健康,最近開始回頭記錄低自己想生BB嘅過程

同大家分享呢幾年調理身體嘅情況,希望對大家有幫助~~

想當初啱啱結婚無耐個陣原本唔急著要有BB,但係當係周圍親友"過度"嘅關心底下,你話無壓力就假嘅!

然後我就開始制定計畫~ 每日量體溫係必要嘅、另外就係記低排卵期同老公做功課,個陣想靠自然懷孕就Bingo,但係總係落空。

就係咁過咗一年都無好消息,我就同老公一齊去婦產科做檢查。抽血同照超聲波都顯示子宮同輸卵管無問題啊><

可能因為心急,變得越來越患得患失,成個內分泌都有少少失調,排卵期出血、內膜唔夠厚、經前症候群等等問題都一在阻擾我嘅懷孕之路!

一開始我先去睇西醫,食過排卵藥亦都食過小白,但有時會容易頭暈同唔舒服,所以就改去睇中醫調理。

中醫師話我長期經痛,體質偏寒又氣血兩虛,呢啲都係影響我懷孕嘅原因。

除咗要乖乖食中藥之外,我都開始睇咗好多關於調理嘅書(好孕:懷孕前就要做對的三件事、子宮好,女人才好等等),搭配營養嘅食物調理,先有第一次嘅好消息。

講咗好多廢話,而家開始列點說明比大家睇

【飲食上】

1. 首先要戒生冷野,凍飲通通唔準飲,寒涼食物,好似係橙、瓜果類通通唔食,藉此調理我嘅寒底身體。

2. 同埋我開始逼自己飲多啲水,同時搭配「紅棗茶」黎調適無野飲嘅日子,到而家每日8大杯溫水無難度啦。P.S.中醫師都有推薦我飲紅棗銀耳湯養陰,有改善我陰虛產生嘅口乾舌燥情況。

3. 我氣陰兩虛,血虛得好嚴重,所以無辦法生化氣血。所以中醫師要我食多啲有營養嘅紅肉,好似牛肉、豬潤、羊肉等等。所以我都會特別去街市買牛肉,去煲一下牛肉湯或者係豬潤湯。

4.因為我大嫂嘅介紹,所以就開始飲田原香嘅想孕滴雞精,裡面有兩款滴雞精,主要分成排卵前飲同埋排卵後飲,跟著月經周期,幫身體補充適合嘅荷爾蒙,我都係飲咗好一段時間先至Bingo,飲到而家成為長期客。

5. Period結束之後可以吃多啲雌激素嘅食物幫助養卵,例如多啲食黃豆、淮山、青木瓜、番茄、車厘子等或者飲無糖豆漿,都可以幫助養卵。

排卵後食(即係Period 後15日同下次月經黎之前),多食含黃體素嘅食物,好似有菠菜、西蘭花、番薯、蜆湯、木瓜之類。就好似一個循環,對於調理懷孕幾有幫助架。

【作息上】

一定要去做運動!! 我自己有報瑜珈班,就算唔上瑜珈班都可以去做一啲有氧運動。每個禮拜做少做3次運動,每次至少30分鐘以上~運動可以幫助排毒同調理新陳代謝! 對改善經痛同睡眠都有幫助~

我自己其實係個夜鬼黎,成日上上下網煲劇唔小心就會上到12點幾~ 醫生都有講要養成11點前訓嘅習慣,而且喺準備懷孕期間我都盡量去克制我自己~~強逼自己要11點半就訓教~如果真係訓唔著,我會點香薰訓教,薰衣草嘅味道都幾幫到入眠~

【生活上】

記得要先同老公保持共識,唔好將懷孕睇得太重(我知道好難,但就先俾時間慢慢平復),我好多謝我老公,佢都知道屋企嗰邊啲壓力好大,所以佢成日都會帶我出去玩,有長少少嘅假都會帶我去旅行,好心情底下,愛愛都會比較盡興啦>///<。

而我第一胎就係去韓國睇櫻花個陣時,心情好、無煩惱嘅狀態下Bingo~

我懷孕過程其實都無靠啲乜野偏方,就係逼自己去調理身體、改善飲食同作息,情緒上亦都盡量轉移自己想懷孕嘅念頭。

盡量就係放鬆自己,唔好迫自己太緊~而我第二胎亦都遵循著咁樣嘅模式,好快就有好消息~~

我成日都睇好多媽媽嘅分享,好多媽媽都為咗有BB而嘗盡苦頭,所以我就分享呢篇遲來嘅心得俾大家參考~

小小心得(其實有啲長) 希望對大家有用啦~

編輯 重新標籤 舉報 關閉 合併 刪除
0

回答於 2017-05-25 13:42:00 +0000

Bicanna 大頭貼

同樓主一樣,我都係咁調理,不過係調經痛,腰骨痛。

編輯 舉報 刪除 連結 更多

留言

有經痛就一定避免寒涼野 腰骨痛就補腎氣 食多d黑色食物 芝麻木耳有效

tessapan63 大頭貼tessapan63 ( 2017-05-25 15:12:00 +0000 )編輯
0

回答於 2017-05-25 13:21:00 +0000

siulam1222 大頭貼

大獲! 原來唔食得橙 我差唔多日日都食舊tim 好彩有你提點

編輯 舉報 刪除 連結 更多

留言

幾日先食一次囉

tessapan63 大頭貼tessapan63 ( 2017-05-25 15:10:00 +0000 )編輯

您的答案

請開始以匿名貼文 - 您的條目將會在您登入或是建立新帳號後發布。

開始回答

提問工具

1 位粉絲

統計

發問時間: 2017-05-25 11:34:00 +0000

觀看數: 840 次

最後更新: May 25 '17